منيو إلكتروني · رمز QR · طلبات واتساب · لوحة تحكم
الزبون يمسح رمز QR، يشوف أصنافك بالصور والأسعار، ويدز طلبه على واتسابك. وإنت تغيّر السعر أو توقف صنف خلصان بثواني من موبايلك.
مطبعة، انتظار، وأسعار معدلة بالقلم. QMenu يخلي المنيو بيدك إنت.
ارتفع سعر القهوة؟ غيّر السعر من موبايلك ويتحدث عند كل الزباين بنفس اللحظة.
الطلب يوصل جاهز على واتساب المطعم، ويه رقم الطاولة والمجموع. بدون غلط بالسماع.
كل صنف بصورته ووصفه، ويفتح سريع حتى على نت ضعيف.
بضغطة وحدة يطلع «غير متوفر حالياً»، وترجعه من يتوفر.
نزّل الرمز واطبعه، وتعرف كل طلب جاي من يا طاولة.
المنيو يطلع باسم مطعمك وهويته، مو باسم شركة ثانية.
كلاسيك، مودرن، بريميوم، دفتر، شيف، وردي وبُن. غيّر شكل منيوك لرمضان أو العيد أو بس حتى تجدده، بضغطة وبدون أي كلفة.
حط خصم على أي صنف، والسعر القديم ينشطب بالأحمر جنب السعر الجديد ويّا شارة الخصم.
كل منيو يظهر باسم مطعمك بنتائج البحث، ورابطه يطلع بصورة مرتبة من تدزه على واتساب.
الزبون يقلب المنيو إنكليزي بضغطة، والصفحة كلها تتحول. إنت تكتب أسماء الأكلات بالعربي أو بالإنكليزي أو بالاثنين، وطلب الواتساب يوصلك بالعربي دائماً.
ما تحتاج تعرف بالتقنية. إدخال المنيو أول مرة علينا.
صورة المنيو الورقي أو صفحة الانستغرام تكفي. إحنا ندخل الأصناف والأسعار.
خلال يوم واحد يوصلك منيو جاهز بلونك وشعارك، ورمز QR ولوحة تحكم بالعربي.
ومن يومها أي تغيير تسويه بنفسك من موبايلك، بأي وقت.
25,000دينار عراقي بالشهر
أقل من سعر طبعة منيو وحدة. وأول اشتراك إلك 33 يوم بسعر شهر.
لا. يمسح الرمز بكاميرا الموبايل والمنيو يفتح بالمتصفح مباشرة.
إي، من لوحة تحكم بسيطة بالعربي تشتغل على الموبايل: تضيف صنف، تغير سعر، ترفع صورة، تسوي خصم، أو توقف صنف.
الاشتراك شهري وبدون عقد. إذا ما فادك، ما تجدد للشهر الجاي. وأول اشتراك إلك 33 يوم بدل 30.
شهرياً، عبر زين كاش أو ماستر كارد، حسب اللي يريحك.
